SHALAWAT PEPELING KUBUR

Hayu gera saradia

Meungpeung keur hirup di dunya

Amal keur sampeureun tea

Di akhir moal sulaya

2.       Geuning maot ngadodoho

Boro sok dipopoho

Datangna teu mere nyaho

Ngageretek taya tempo

3.       Taya beurang taya peuting

Taya raja taya kuring

Dimana ajal geus sumping

Teu meunang tempo anaking

4.       Horeng nyawa reujeung badan

Nu geus lila babarengan

Datang mangsa papisahan

                                Paturay tineung amitan

5.       Lain meureun lain sugan

Da ieu mah kanyataan

Kabeh bakal ngarandapan

Geuning awak urang pisan

6.       Kaget reuwas mata mencrong

Renghap ranjug malah beungong

Nafas ranseug na genggerong

Nu deukeut geus katembong

7.       Horeng iyeu teh sakarat

Di cabut ku malaikat

Nyawa ranseg mapay urat

Taya daya keur lumpat

8.       Ku renghap ku panganggesan

Pegat sakabeh harepan

Ngabebengkang teu ambekan

Rek kumaha pang harepan

9.       Boro keur suka bungah

Ngatur nafsu seuri ngeunah

Beak tempat kudu pindah

Nyamperkeun ka alam barzah

10.   Geus waktuna ninggal lembur

Menuju ka alam kubur

Meunang ngali geus di ukur

Mahi keur awak sakujur

11.   Naon anu rek dibawa

Duit atawa sawah lega

Meunang ngumpul-ngumpul

Belaan nipu pasea

12.   Meunang tisruk sruk tidung

Nu sok dipake adigung

Kana sholat matak luwung

Waktu zakatna mah embung

13.   Ibadah kateler-teler

Nepi ka nyangirah ngaler

Ngampar badan ngagoler

Di tengah imah ngagoler

14.   Ngajolopong di ruruban

Di riung di tarungguan

Logodor pasaranana

Motong lila sosonoan

15.   Nu ngariung nyingkir miris

Ngajauhan bati ngaleungis

Geumpeur pacampur waas

Syetan mah bati mupuas

16.   Harta anu ngunung-ngunung

Pakean duit satangtung

Ngan masin boeh asiwung

Di tambah kai keur padung

17.   Lawang amal geus ditutup

Hanjakal keur waktu hirup

Talangke bet teu sanggup

Padahal waktu mah cukup

18.   Paingan Rosul ngelingan

Dunia pangumbaraan

Naha bet kamalinaan

Tonggoy henteu babahanan

19.   Ati ngerik pikir liwung

Imah tiiseun jeung liwung

Ngan anak yatim ngariung

Ting garisik ting rariung

20.   Abong poe panganggeusan

Mana beurat rek pamitan

Keun imah keun pakarang

Geuwat logak geus ngantosan

21.   Pasaran mendung di payung

Ti luhur di rurub payung

Nu ngiringna semu murung

Nangkep dada ting kuyungkung

22.   Ngaleut ngeungkeuy ngabandaleut

Beki deket beki deket

Beki deket beki deket

Kana logak rupeuk heret

23.   Duh geuning geus nyangkeroh

Rup ku padung rap kalemah

Poek rupeuk henteu ngeunah

Ngarumas cungelik susah

24.   Ahli sobat ka wawuhan

Teu nelih gancang bubaran

Duh saha nu rek maturan

Geusan urang babareungan

25.   Mana sobat mana dulur

Geuning buriak ka lembur

Henteu maturan di kubur

Geusan urang babaturan

26.   Oge harta banda kuring

Nu di puhit beurang peuting

Cik mana nu rek ngadeking

Geuning geus kieu mah kuring

27.   Hanjakal aduh hanjakal

Teu getol sadia amal

Padahal geuning padahal

Ngan amal nu jadi bekel

28.   Hanjakal nurut ka embung

Ngan harta nu di gugulung

Atawa anggur cinutrung

Ayena geuning kaduhung

29.   Naon keur panyingkir sedih

Naha ku cimata geutih

Atawa bangking jeung kolih

Harta mah geuning teu nolih

30.   Geus montong tong sasambat

Teu guna da geus kaliwat

Bongan bareto teu ta’at

Teu kurang nu nganasehat

31.   Tong henteu hahanjakalan

Pan teu kurang nu ngelingan

Pek tunggu jawab sorangan

Geura jawab pamariksaan

32.   Paramitan parantosan

Mangga gera lalenyepan

Sugan sinareng jeung sugan

Ngajadi kamaslahatan

33.   Kumaha ieu pepeling

Muga cing jadi pangeling

Da gusti anu ngulanting

Siang jeung wengi ngaping

Terjemahan Kitab "SULAM TAUFIQ" (pembukaan) bahasa sunda

سلم التوفيق: TERJEMAHAN KITAB SULAMUT TAUFIIQ
بسم الله:Ngawitan abdi ngaos kana ieu kitab "Sulam" bari ngalap barokah 
ku nyebat jenengan gusti Allah
Sifatna Allah 
الرحمن:anu maparin ni'mat ageng di dunya sareng di akherat
sifatna Allah
الرحيم:tur anu maparin ni'mat ageng di akherat wungkul
الحمد:Ari sadaya puji anu 4
لله:Eta tetep kagungan gusti Allah
رب العالمين:Anu mangeranan sadaya alam
وأشهد: Sareng nyaksian abdi
أن: kana yen saestuna kalakuan sareng tingkah
لا اله: Eta teu aya deui pangeran anu wajib diibadahan
eta aya
الا الله: anging gusti Allah
وحده: barianan sahiji Allah
لا شريك:teu aya anu ngarencangan
له: eta tetep pikeun gusti Allah
وأشهد:Sareng nyaksian abdi
ان محمدا: Kana yen saestuna kanjeng Nabi Muhammad
عبده: eta abdina gusti Allah
ورسوله: sareng utusanana gusti Allah SAW
وعلى اله: sareng ka kulawargina kanjeng Nabi
وصحبه: sareng ka shahabatna kanjeng Nabi
والتابعين:sareng kanu turut kabeh
أما بعد: anapon tah dina saba'da maca Bismillah Alhamdulillah shalawat sinareng salam ka kanjeng Nabi
فهذا: tah ari ieu kitab teh
جزء: eta sa juz
لطيف: anu lembut
يسر: muga ngagampangkeun
٥: kana itu JUZ LATHIIF
saha
الله تعالى: gusti Allah Ta'ala
فيما: Dina perkara hukum
يجب: anu wajib
naon
تعلمه : ngajina ieu MA
وتعليمه: sareng ngawurukeunana ieu MA
والعمل: sareng ngamalkeunana
به: kana ieu MA
للخص: pikeun jalma anu pinter
والعام: sareng pikeun jalma anu bodo
والواجب: sareng ari ngaran wajib
ما: eta perkara parentah
وعد:sareng anu parantos ngajanjikeun
saha
الله: gusti Allah
فاعله: ka jalma anu migawena kana itu MA
بالثواب: ku ganjaran
وتوعد: sareng tos ngancam Allah
تاركه: ka jalma anu geus ninggalkeun kana itu MA
بالعقاب: ku siksaan
وسميته: sareng geus ngangaranan kuring kana ieu kitab
سلم التوفيق: ku kitab sulam taufiq hartosna taraje pitulung
الى محبة الله: kana cinta ka Allah
على التحقيق: kalawan sanyatana
أسأل: nyuhunkeun abdi
الله: ka gusti Allah
الكريم: anu maha bageuran
ان يجعل: kana yen supaya ngajantenkeun gusti Allah
ذلك : kana itu JUZ LATIIF
منه: ti gusti Allah
وله: sareng ikhlash karna Allah
وفيه: sareng mikacinta ka Allah
واليه: sareng balik deui ka gusti Allah
وموجبا: sareng jadi cukang lantaran
للقرب: pikeun gawe kadeuheus
والزلفى: tegesna gawe kadeuheus
لديه: mungguh Allah
وأن يوفق: sareng muga maparin taufiq Allah
من: ka jalma
وقف: anu ningalian jalma
عليه: kana ieu kitab
للعمل: pikeun ngamalkeun
بمقتضاه: kana kakuduanana itu kitab
ثم التر قي: tuluy naek darajat jalma
بالتودد: kusabab mikaresep
بالنوافل: kana pirang-pirang pasunatan
لیحوز:karena supaya meunang jalma
حبه: kana cintana Allah
وولاه: sareng pitulungna Allah
Semoga bermanfaat
Salam Al-Musri

Ceramah bahasa sunda tentang "SOPAN SANTUN" terhadap guru

Assalamu’alaikum wr. wb

Alhamdulillahi robbil’alamin. Washshalatu wassalamu ‘ala asyrofil anbiya’I wal mursalin wa’ala alihi washahbihi ajma’in amma ba’du.

   Sugrining puji kasangga ka gusti nu maha suci ,sadaya puja kasangga ka pangeran nu maha kawasa .kalayan qudrat sareng irodat mantenna urang sadaya dina danget ieu tiasa kumpul riung ,amprok jonghok ,hempak merperbayaksa dina tempat anu kalintang nyugemakeunana .mudah mudahan hibar barokah kalih maghfiroh allah swt ginuluran ka urang sadaya ,amin. Teu hilap shalawat mugia dilelerkeun ka panutan alam ,manusia anu pangmulyana nyatana habibbana wanabiyyana Muhammad saw,katut kulawargina ,para sohabatna oge umat sadayana anu turut ,tumut ka ajaran anjeuna dugi ka poe kiamah amin.
  Urang sadaya anu hadir didieu  , ngajadi saksi pikeun lumangsungna acara mubalighan. Nya jisim kuring pisan dina danget ieu kapapancenan ku sekeseler panitia kanggo ngadugikeun hiji perkawis. Salaku mubalighah, sim kuring nagahaturkeun nuhun ka panata acara. Utamina ka pupuhu PonPes Al-Musri’1, ka Rais wa raisah, sareng teu kakantun ka santriyin wa santriyat anu gareulis tur nu karasep.

Dina danget ieu sim kuring bade medarkeun hiji perkawis anu  judulna  adab-adaban kanu  janten guru.

Tah kanggo hiji santri anu hoyong kenging elmu sareng elmuna teh aya manfaatna tah santri eta teh salah sahijina kedah hormat sareng taat kanu janten guru.

Hormat kanu janten guru mangrupikeun hal anu pang pentingna diantawis kawajiban anu sanesna. Malihan mah tiasa dipikir ku urang antawis hormat sareng taat mana anu kedah dipayunkeun? Tah hormat heula anu kedah diutamikeun mah. Kumargi kitu langkung penting keneh hormat ka guru daripada taat heula. Contona, A sering nyandak kitab tapi A teh ngalangkungna sok ka payuneun guruna. Tah memang taat si A teh. Ngan anjeunna teu sopan ngalangkungna ka payuneun kanu janten guru. Aya teu didieu nu kitu? Mana jalmina? Baca Istighfar!!

Teras saha atuh guru teh? Guru teh nyaeta saha bae jalmi anu kantos masihan elmu sok sanaos ngan sahuruf. Janten saha bae anu kantos masihan terang ka anjen sok sanaos ngan sahuruf tah mantenna tiasa disebat guru. Tah janten teu kenging ngaaawon jalmi anu kantos ngajar ka urang, teras kedah dihormati sok sanaos tos teu ngajar deui ka urang. Anjeunna angger janten guru urang sareng teu tiasa disebat tilas guru atanapi mantan guru. Sok sanaos ayeuna urang janten jalmi anu terhormat, urang kedah tetep tawadlu kanu janten guru. Numawi eta urang tiasa janten jalmi anu terhormat teh.

Salah sahiji cara hormat ka guru teh nyaeta:

1.       Henteu ngawitan nyarios ka guru salianti ku idzinna. Contona, tah urang teh teu kenging jol ngajakan ngobrol ka guru teh salianti ditaros. Dina nyariosna ge kedah sopan sareng tawadlu. Teu kenging nyarios tarik katawis gogorowokkan mah. Teu kenging caket teuing, teu kenging tebih teuing calikna teh. Teu kenging nyarioskeun nu teu dipikaresep ku guru, anu nimbulkeun kasinggung angot dugi ka bendu mah.

2.       Teu kenging ngalangkung ka payuneunnana. Hiji santri kedah nyungkeun idzin heula kanggo ngalangkung kapayuneun guru, kedah tungkul nu nunjukkeun sikap tawadlu. Atanapi liren heula ngantosan dugi ka aya jalan kanggo ngalangkung. Sauihna pami guru nu ngalangkungna murid teh kedah tatih kanggo masihan penghormatan, kedah tenang, teu kenging naros, teu kenging nyauran sareng teu kenging nyarios salianti ngucapkeun salam.

3.       Ngabersihkeun tempatna sapertos korsi sareng mejana. Tempat guru kedah rapi sareng beresih wae. Guruna mah bade aya bade teu aya nu pasti tempatna kedah beresih sareng rapi wae.

4.       Henteu nempatan tempatna. Hiji murid kedah terang tempat-tempat anu biasa ditempatan ku guru. Teu kenging nempatan tempat calikna, teu kenging calik dikendaraannana, teu kenging lebet karuanganana, sareng deuih teu kenging ujug-ujug calik digigireunnana, katawis tatih atanapi ngalangkung kapayunneunnana mah.

5.       Teu seueur nyarios. Nyarios teh sapentingna teu kenging lami-lami teuing. Teu kenging nyarios anu matak teu dipikaresep ku guru, boh nyinggung, ngahina angot dugi ka bendu mah.

6.       Teu kenging naros salianti aya idzinna. Teu naros sateu acan guru ngizinan. Narosna kedah tenang. Teu kenging deuih naroskeun salianti naroskeun elmu. Atanapi naros anu tujuanna teu sae.

7.       Kedah taat kana parentahna. Upami dipiwarang ku guru kedah engal-engal teu kenging ngaengke-engke atanapi mikir heula kanggo nyusun alesan. Nyakitu oge dina nalika disauran kedah engal-engal teu kenging luak-lieuk heula, turas-taros atanapi api-api teu terang.

8.       Ngahormat kana sagala anu aya hubunganna sareng guru. Sapertos kulawargina, murangkalihna, istrina (caroge) atanapi barang-barangna. Murid teh kedah hormat ka murangkalihna sakumaha ngahormat ka guru sok sanaos murangkalihna teh masih alit keneh.

9.       Teu kenging ngetok panto, tapi kedah sabar dugi kakaluar. Hiji murid teu kenging namu nalika guru nuju istirahat atanapi kulem. Hartosna nalika namu murid kedah milarian waktos anu teu ngawagel kana waktosna guru. Tapi kedah ngucapkeun salam. Pami dugi katilu kali salamna teh teu diwaler wae, tah urang teh kedah enggal-enggal uih deui.

Kasimpulannana mah sagala sikap murid kedah aya dina ridhona guru sareng kedah tetep tawadlu. Guru bakal ngadoakeun urang wae supados elmuna bermanfaat sareng janten jalmi anu berguna. Margi doa guru ka muridna sapertos doa nabi ka umatna, nyaeta insya Allah bakal diijabah. Tapi, pami murid teu kenging ridho ti guruna, teu sopan santun tah bakal sesah eta murid ngagaduhan elmu anu bermanfaat.

Sumangga ieu pidato urang pungkas ku aosan dzikir sasarengan!!

Ya Allah mugia ieu acara aya manfaatna, khususna kanggo nu haladir, umumna kanggo sakumna kaum muslimin walmuslimat. Abdi sadaya salaku nu janten santri mugi-mugi elmu anu di suprih ku abdi sadaya the aya dina ridho Anjen Gusti sareng ridho guru abdi sadaya. Tur elmu anu di suprih the cing aya manfaatna pikeun di dunya langkung-langkung di aherat mah Ya Allah. Abdi sadaya seueur kalepatan sareng ka khilapan kanu janten guru abdi sadaya Ya Allah. Sering masihan kasesahan kanu janten guru, sering suudzon, sering ngalawan, sering teu taat. Abdi sadaya terang sagala rupi anu dilakukeun ku guru abdi sadaya the jalan anu pangsaena. Tapi, ngan ku pangraksana ti Anjen abdi sadaya tiasa nebihan tina perkawis anu tadi. Abdi sadaya anu hina tur teu pantes sumujud ka Anjen Gusti. Tapi, kasaha deui abdi sadaya bade nyungkeun pitulung. Abdi sadaya bade nyungkeun panghapunten ka Anjen Gusti tina sadaya dosa anu parantos di lakukeun ku abdi sadaya. Salah sahijina bade nyungkeun panghapunten ka sadaya jalmi anu parantos ngawuruk elmu ka abdi sadaya langkung-langkung ka guru anu salalamina ngawuruk mah ya Allah. Oge teu hilap ka sepuh-sepuh abdi sadaya. Mugi-mugi aranjeunna dipanjang yuswakeun bari sehat tur dipaparinan rizqi anu halal Amin. Allahumma…. (Al-Fatihah)

Ti sim kuring, rupina sakitu anu kapihatur. Sim kuring ngahaturkeun nuhun ka rengrengan panitia anu parantos ngurus tina sagala rupi hal pikeun ngalancarkeun acara ieu, mugia kasaean sareng bantosan panitia acara mubalighan PonPes Al-Musri’1 diwales ku Allah SWt. Amin. Hapunten bilih aya basa anu kirang merenah. Kulem sapanon carang sapakan, luhur saur bahe carek, mugia kersa ngahapunten. Hatur nuhun tina sadaya tempat, waktos & perhatosanana.

“Gur-ger wae urusan ngaji

Anu akhirna mah jadi di thalaq

Abdi bade pamit undur diri

Tacan nyangu bilih kabujeng imsak”

 Akhirul kalam,Ushikum wa nafsi wa iyyaya bitaqwallahi. Sim kuring salaku mubalighah bade ngucapkeun.

Wassalamu’alaikum Warahmatullahi Wabarakatuh

Semoga berkah agar bisa bermanfaat